TATA IBADAH HURIA INDONESIA IN AICHI

(JOINT MINISTRY OF HKBP & JELC )

MINGGU, 18 OKTOBER 2026

MINGGU XX DUNG TRINITATIS

TOPIK MINGGU: DEBATA DO MANJOU JALA MAMILIT HAMU

2 PETRUS 1:3-11

 

 

 

1. MARENDE BE HKBP No 8:1+3  “Jahowa, Jahowa”

1.Jahowa, Jahowa, Jahowa Di goarMu ma hasangapon i Amen, Amen

Pujionnami do tongtong GoarMi di joroMon

Sai naeng dohononku Badia, badia do goarMu Haleuya, Haleluya

 

2. O Tondi, O Tondi, O Tondi Parbadia Pinuji dohot Ho Amen, Amen

Na sintong nang na tiur pe Nang na denggan sasude

Ho do manuanhon Tu roha ni sude hajolmaon Haleluya, Haleluya

 

2.VOTUM INTROITUS  

Liturgist: Marhite-hite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Porbadia, na tumompa langit dohot tano on. Amen. 

Parangehon hamu ma na tama di Tuhan i, marguru tu sandok lomo ni rohaNa, mararbuehon parbue marhitehite saluhut ulaon na denggan. Olo i hamu ma Jahowa marhitehite saluhut ulaon na denggan. Oloi hamu ma Jahowa narhitehite las ni roha, ro be ma hamu tu joloNa mathitehite olopolop, Haleluya…

Liturgist: Haleluya, haleluya, haleluya

Martangiang ma hita

Ale Tuhan Debata! Asi ma rohaM di hami, ai ndang tarbahen hami mambahen manang aha, molo so Ho dongannami. Dibahen i sae lehon ma di hami roha banua ginjang, asa tau hami manimbangi dohot mangulahon lomo ni rohaM. Sai dongani ma hami, asa mian hami dibagasan Ho dohot di bagasan HataM, marhitehite AnakMu, Tuhan Jesus Kristus, Tuhannami. Amen

3. MARENDE BE HKBP No. 187:2 “Denggan Do PanoguM”

2.Tung patik angka na binaen ni jolma Mangihuthonon ni Tondim disi ?

Ho na tongtong sumurung i marroha Sai ingkon pasautonMu tahiMi

Sai talu do na hum mangalo Ho Dipangke pe sude gogona i

Ai Ho do na so halompoan i Na tinahiM sai ingkon jumpang do

4.PATIK : Epesus 1:4

Liturgis: Tangihon hamu ma ni patik Debata di hita ima sian Epesus 1:4

Ai dipillit do hita di bagsan Ibana, andorang so ojak dope tano on, asa badia hita jala so hasurahan di adopanna i, dibagasan holong ni roha.

L: I do ianggo sahatna. Rap mangido gogo ma hita di adopan ni Debata laho mangulahon PatikNa i.

L: Ale Tuhan Debata! Sai pargogoi ma hami mangulahon na hombar tu PatikMi. Amen

5.MARENDE BE HKBP No. 176:4-5 “Na Mungkap Do Surgo”

4.Tar songon hasumba, rara dosami.

Sesaon ni mudar ni Jesus do i

Sesaon ni mudar ni Jesus do i.

5.Roham mangkolsohon, parsorionmi

Tu Jesus pasahat sude arsakmi

Tu Jesus pasahat sude arsakmi

6. MANOPOTI DOSA 

Liturgist: Tatopoti ma dosanta na godang i di adopan ni Debata martangiang ma hita!

Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho, ndada mangasahon hatigorannami, na mangasahon asi ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami. Amen

Tabege ma hata baga-baga taringot tu hasesaan ni dosa:

Songon on do Hata ni Jahowa: Unang ho mabiar, ai ahu do siluluhon ho; nunga polahujou goarmu, Ahu nampuna ho. Hasangapon ma di Debatana di ginjang. Amen

7. MARENDE BE No. 719:1-2 “Hubege SoaraM O Jesus”

1. Hubege soaraM O Jesus

Hubege soaraM O Jesus

Hubege soaraM O Jesus

Na manjouhon "ihuthon ma au"

 

Togu au Jesus Tuhanku

Iringiring ma langkangku

Patuduhon ma dalanMu

Asa unang unang lilu au

 

2.Hupasahat ma diringku

Hupasahat ma diringku

Hupasahat ma diringku

Mangihuthon Jesus Tuhanki

 

Togu au Jesus Tuhanku

Iringiring ma langkangku

Patuduhon ma dalanMu

Asa unang unang lilu au

8. EPISTEL: 1 Samuel 3:10-14

LITURGIS: Tabege ma Hata ni Debata turpuk ni ari Minggu on ima na tarsurat di 1 Samuel 3:10-14 songon on ma tarsurat disi 

10.Dung i ro muse ma Jahowa, tindang disi jala joujou songon na jolo: O Samuel, Samuel! Gabe didok si Samuel ma: Mangkuling ma Ho, ai mananginangi do naposomon.

11.Dung i ninna Jahowa ma tu si Samuel: Ida ma, pamasaonku ma uhum sada di Israel, tung marnginging do pinggol ni ganup na umbegesa duansa.

12.Di ari na sasada i paroonku ma tu si Eli saluhut na huhatahon taringot tu pinomparna. Ahu mamungka, laos Ahu paujungkon.

13.Ai nunga hulumbahon hian tu ibana, paboa Ahu parlulu dompak pinomparna ro di salelenglelengna, ala hajahaton na binotona, ai mangala torutoru tu nasida angka anakna i, hape so mangonai hata ibana tu nasida.

14.Dibahen i nunga pola maruari Ahu taringot tu pinompar ni si Eli: Tung na so hahuphupan be hajahaton ni pinompar ni si Eli marhitehite pelean sipotongon manang sipanganon ro di salelenglelengna.

L: Ido ianggo sahat na. Martua do na tumangihon Hata ni Debata jala naumpeopsa. Amen

9.MARENDE BE No. 205:1-2 “Ale Jesus Tuhannami”

1.Ale Jesus Tuhannami Bereng hami na dison

PinarmahanMi do hami Saluhutna na dison

Sai asi rohaM di hami Sai pangolu hami on

2.Ale Jesus, togu hami Asa unang mago be

Manang ise sian hami Sai porsea ma sude

Sai na hot di Ho ma hami Dao ma jea sasude

10. MANGHATINDANGKON HAPORSEAON

L: Tahatindangkon ma haporseaonta i, songon na hinatidangkon ni donganta sahaporseaon di sandok portibion. Rap ma hita mandok:

Ahu porsea di Debata Jahowa, i do Ama pargogo na so hatudosan, na tumompa langit dohot tano.

Ahu porsea di Jesus Kristus Anak ni Debata Jahowa nasa-sada i. I ma na tinubuhon ni si Maria, na gabe-gabean sian tondi porbadia andorang so habubuhan. I do Tuhanta na tumaon na bernit di panguhuman ni si Latus, na mate tarpajal do Ibana di hau pinorsilang, na tuat tu banua toru dung ditanom, na mulak mangolu di ari patoluhon, na manaek tu Surgo laho hundul tu siamun ni Debata Jahowa, AmaNa i pargogo na so hatudosan i, disi ma Ibana paima mulak sogot tu tano on manguhumi halak na mangolu dohot na mate.

Ahu porsea di Tondi Porbadia, jala adong sada Huria na badia, Huria hatopan ni halak Kristen angka na badia, dohot di hasesaan ni dosa dohot di Hata i na mandok. Mulak mangolu do sogot daging ni halak naung mate, dohot di hangoluan na so ra suda. Amen.

11. KIDUNG PUJIAN: 

12. TINGTING

13. MARENDE BE No. 26:1+2 “Ale Dongan Na Saroha”

1. Dame nimMu ale Jesus LehononMu di bangsoM TondiMi do na patulus HataMi tu naposoM 

Dangol hami jala pogos Ndang tau baen parhaladoM Tondi parbadia tongos Margogihon hami on 

2. Ale Tondi Sipardame Sai bongoti hami be Sai pasada rohanami 

Gok parbue baen sude Lam patinggil pinggolnami Tumangihon dasdasMi Asa ganda ringgasnami Pararathon hataMi.

 

14. JAMITA : 2 Petrus 1:3-11     Pdt. Samuel Sihombing, S.Th (Pendeta HKBP Resort Pardomuan, Distrik VI Dairi)

1.Ahu surat ni si Simon Petrus, naposo jala apostel ni Jesus Kristus, mandapothon angka naung manjalo haporseaon na arga, rap dohot hami, marhitehite hatigoran ni Debatanta dohot Jesus Kristus, Sipalua i:

2.Singkop ma di hamu asi ni roha dohot dame, marhitehite panandaonmuna di Debata dohot di Jesus, Tuhanta i!

3.Dilehon hagogoon ni hadebataonna i do tu hita nasa na tau hangoluan dohot hadaulaton marhite sian naung tatanda Ibana, na manjou hita, hinorhon ni hasangaponna dohot hadengganonna sandiri.

4.Marhite sian i do dilehon tu hita bagabagana angka na arga jala na balga situtu, asa hinorhon ni i gabe partohap hamu di hadebataon, dung sanga maporus hamu sian hamagoan, na di bagasan hahisapon na di portibi on.

5.Dibahen i, haringgashon hamu ma sian nasa gogo, manurdukkon denggan ni parange di bagasan haporseaon i, dung i habisuhon ma di bagasan parange na denggan i;

6.dung i pangarajaion diri ma di bagasan habisuhon i, dung i habengeton ma di bagasan pangarajaion diri i, dung i hadaulaton ma di bagasan habengeton i:

7.Dung i holong ni roha di dongan ma di bagasan hadaulaton i, dung i holong ni roha di na saluhutna ma di bagasan holong ni roha di dongan i!

8.Ai molo jumpang angka i di hamu jala ganda, ndada loasonna hamu losok jala so marparbue, laho mananda Jesus Kristus, Tuhanta i.

9.Alai molo so dapot i di na deba, halak na mapitung ma i, parmata na jonok, naung lupa di haiason sian dosa, na di ibana najolo.

10.Dibahen i, ale angka dongan, lam ringgas ma hamu pahothon panjouonna dohot pamillitonna di hamu; ai molo diulahon hamu i, ndang olo be hamu tinggang.

11.Songon i ma buas lehononna tu hamu hamasuhon tu bagasan, harajaon salelenglelengna, na di Tuhanta Jesus Kristus, Sipalua i.

 

15. MARENDE BE HKBP No. 727:1+2      (P. Pelean) “Hupilit Asa Marparbue”

1.Songon on didok Tuhanta Jesus: Ahu do na mamillit hamu

Asa lao hamu na marparbue jala mian parbuemuna i,

Hupadiri asa lao marparbue; jala mian parbuemuna i.

Hita na pinillit ni Tuhanta, ingot ma hata ni Tuhan i

Parbuehon ma nasa na denggan, na hombar tu patik ni Tuhan i,

Na tarjou do hita paimbaru diri, di bagasan Kristus Tuhanta i.

Tasolsoli ma nasa dosanta tapauba ma rohanta,

tapelehon ma nasa dirinta, baen pelean na mangolu na badia

di Tuhanta na hinalomohon ni Debata Amen.

Pelantikan Panitia natal

1. BE 718:1 “HUBEGE JESUS MANJOU”

Hubege Jesus manjou, hubege Jesus manjou

Sipalua au manjou, porsan silang ihuthon ma Au.

Sai ihuthononku Jesus, sai ihuthononku Jesus,

Sai ihuthononku Jesus, Huihuthon Jesus Tuhanki.

2. Pembacaan Panitia Natal 2026

BE  HKBP 728:1+4 “HUSURU HO”

1Husuru ho lao sumeahon diri; radot ma ho di panjouonmi,

Nang dileai jala diarsahi, Husuru ho gabe naposongki

Au sinuruni Ama I, manuru ho.

4Husuru ho sumeahon hosamu,

Pompomi nasa roha daging i,

Tundalhon ma hagiot ni rohamu,

Husuru ho pasauthon lomongKi,

16. TANGIANG PENUTUP: TANGIANG PELEAN, ALE AMANAMI, PASU-PASU

ATAS GOAR BPH PASAHATON NAMI TU HAMU SALUHUTNA

SELAMAT ARI MINGGU  XX  DUNG EPIPHANIAS 

TUHANTA MA NA MAMASU-MASU